Саха сирин үс бөҕөһө Москваҕа боксаҕа чемпионакка кыттыа5а

НВК САХА – Москва куорат боксаҕа чемпионатыгар балаҕан ыйын 2-7 күннэригэр Саха сириттэн Борис Сидоров, Николай Матвеев уонна Михаил Варламовкыттыыны ылыахтара. Бу туһанан «Спорт Якутии» иһитиннэрэр.

49 киилэҕэ диэри ыйааһыҥҥа өрөспүүбүлүкэ чиэһин Саха сирин норуоттарын VII спортивнай оонньууларын чемпиона, Уһук илиҥҥи федеральнай уокурук үс төгүллээх чемпиона уонна Россия куубагын хамаанданан бирииһин призера, ЦСКА бэрэстэбиитэлэ Борис Сидоров көмүскүө. 52 киилэҕэ диэри ыйааһыҥҥа Россия бастыыр иһин күрэхтэһиитин призера, РФСО «Локомотив» турнирын кыайыылааҕа Николай Матвеев  күрэхтэһиэҕэ. 57 киилэҕэ диэри саҥа категорияҕа Саха сирин уонна Уһук илиҥҥи федеральнай уокурук икки төгүллээх чемпиона, Финляндияҕа ыытыллыбыт норуоттар икки ардыларынааҕы турнир призера Михаил Варламов кыттыаҕа.

Москва чемпионатыгар уопсайа аҕыс араас ыйааһын категориятынан 250-тан тахса спортсмен кыттыыны ылыаҕа. Москва турнира – Россия боксаҕа чемпионатыгар кыттыыга сүүмэрдээһин этаптарыттан биирдэстэрэ буолар.