Саха сирин үс куоратыгар саҥа кыбаарталлар тутуллаллар

Ленскэйгэ, Нерюнгригэ уонна Дьокуускайга уопсайа 120 га иэннээх былаһааккаларга саҥа кыбаарталлары тутуу инвестиционнай бырайыактарын олоххо киллэрии ыытыллар. Бу туһунан ТАСС иһитиннэрэр.

«Өрөспүүбүлүкэтээҕи ипотечнай ааҕыныстыба Саха сиригэр дьиэ тутуутун салаатыгар Дьоккускайга, Ленскэйгэ уонна Нерюнгригэ уопсайа 120,8 га иэннээх былаһааккаларга хас да улахан иэннээх инвестиционнай бырайыактары олоххо киллэриини ыытар», — диэн этиллэр.

Олор истэригэр Нерюнгригэ «Р» кыбаарталы кэлимник тутуу бырайыага, Дьокуускайга «Байыаннай чаас» кыбаартал уонна Бүлүүлүүр суол алтыс килэмиэтиригэр баар экологическэй кыбаартал, ону тэҥэ Ленскэйгэ элбэх кыбартыыралаах дьиэлэри тутуу.

Бүгүҥҥү күҥҥэ тырааныспартынай инфраструктураны уонна климат усулуобуйатын кытта сибээстээх хааччахтааһыннары учуоттаан, сир учаастактарын маастар-былааннара оҥоһулуннулар.