Саха сирин сүүмэрдэммит хамаандата «Иван Ярыгин» турнирыгар кыттар састааба бигэргэннэ

Өрөспүүбүлүкэ көҥүл тустууга сүүмэрдэммит хамаандатын сүрүн тренерын эбээһинэһин толорооччу Александр Оконешников Иван Ярыгин аатынан норуоттар икки ардыларынааҕы Гран-при турнирыгар кыттар хамаанда састаабын бигэргэттэ. Бу туһунан «Спорт Якутии» иһитиннэрэр.

Саха сиирин аатыттан турнирга 17 бөҕөс кыттыаҕа:

57 киилэҕэ — Арыйаан Тютрин, Петр Копылов, Алексей Копылов, Петр Константинов, Егор Потапов, Георгий Окороков, Владимир Егоров (Македония);

61 киилэҕэ — Ньургун Александров, Петр Павлов;

65 киилэҕэ — Виктор Рассадин, Айсен Потапов;

70 киилэҕэ — Револий Самсонов;

92 киилэҕэ — Ньургун Сергин;

97 киилэҕэ — Максим Толмачев.

Иван Ярыгин аатынан норуоттар икки ардыларынааҕы Гран-при турнира тохсунньу 23-26 күннэригэр Красноярскайга ыытыыллыаҕа. Бу турнир Европа чөмпүйэнээтигэр кыттыы сүүмэрдиир этабынан буолара бэлиэтэнэр. Түмүк көрдөрүү дойду олимпийскай оонньууларга кыттарга сүүмэрдэммит хамаандатын тэрийиигэ ааҕыллыаҕа.