Бүгүн, тохсунньу 11 күнүгэр Муома, Томпо уонна Амма улуустарыгар сорох оскуола үөрэнээччилэригэр актированнай күн биллэрдилэр.
Муома улууһун биэс нэһилиэнньэлээх пуунугар актированнай күн биллэриллибит. Хонуу уонна Сааһыыр сэлиэнньэлэргэ 1-8 кылаас үөрэнээччилэрэ үөрэммэттэр, Чуумпу Кытыл, Соболоох уонна Буор Сыһыы сэлиэнньэлэргэ 1-11 кылаастар. Салгын температурата -50°С — -57°Скыраадыска тэҥнэһэр. Үөрэх дистанционнай быһыылаах ыытыллыаҕа.
Томпо улууһугар 1-8 кылаастарга үөрэх ууратылынна. Салгын температурата -50°С кыраадыска тэҥнэһэр.
Амма улууһугар 1-11 кылаастарга эмиэ актированнай күн биллэрилиннэ.
