Саха сирин силиэстийэлиир кэмитиэтэ «Саханефтегазсбыт» урукку дириэктэригэр холуобунай дьыала тэрийдэ

«Саханефтегазсбыт» хапаанньа урукку дириэктэрэ дуоһунаһын боломуочуйатын аһары барыыга уонна улахан кээмэйдээх хоромньу таһаарыытыгар уорбаланар. Бу туһунан Россия Силиэстийэлиир кэмитиэтин Саха сиринээҕи управлениетын пресс-сулууспата иһитиннэрэр.

«Силисэтийэ быһаарбытынан, 2014-2018 сылларга түһэрсиллибит контрактары толоруу кэмигэр, «Саханефтегазсбыт» АУо уонна «Норд-Спецстрой-1» ХЭТ тэрилтэлэр салайааччыларын уонна атын дуоһунастаах үлэһиттэрин кытта түһэрсиллибит киксии түмүгэр, өрөспүүбүлүкэҕэ тутуллубут хас да заправка сыаната үрдэтиллэн көрдөрүллүбүт», — диэн силиэстийэлиир кэмитиэт сайтыгар этиллэр.

Үрдэтиллибит сыаналардаах сымыйа докумуоннары урукку салайааччы бигэргэтэн илии баттаабытын түмүгэр, акционернай уопсастыбаҕа 60 мөлүйүөн солкуобайтан тахса суумалаах хоромньу оҥоһуллубута бэлиэтэнэр.

Ону тэҥэ, «Саханефтегазсбыт» АУО генеральнай дириэктэрэ оҥорон баттаабыт сымыйа докумуоннарынан, үрдэтиллибит сыаналаах кырааны тэрилтэ алын хампаанньатыгар уматык сыанатыган биэрии оҥоһуллубута билиннэ. Хоромньу кээмэйэ 18 мөлүйүөн солкуобайтан тахса буолара сабаҕаланар.