Саха сирин сорох оройуоннарыгар хаардаах ардах түһэрэ күүтүллэр

Сарсын, атырдьах ыйын 12 күнүгэр, өрөспүүбүлүкэ сорох оройуоннарыгар хаардаах ардах түһэрэ күүтүллэр. Бу туһунан Россия ыксаллаах быһыыга-майгыга министиэристибэтин пресс-сулууспата иһитиннэрэр.

«Булуҥ, Анаабыр, Усуйаана, Өлөөн, Эдьигээн, Үөһээ Дьааҥы, Халыма-Индигир улуустар бөлөхтөрүгэр, хайаларга хаардаах ардах түһэрэ күүтүллэр», — диэн иһитиннэриигэ этиллэр.

Маны таһынан, быстах, этиҥнээх ардах киин уонна соҕуруу улуустарга, күнүһүн түһэрэ, сөкүүндэҕэ 9-14 миэтэрэ түргэннээхтик тыал үрэрэ сабаҕаланар.

Өрөспүүбүлүкэ хотугулуу-илин өттүгэр салгын температурата -4˚ кыраадыска диэри түһэрэ күүтүллэр.