Саха сирин спортсмена кунг-фу чөмпүйэнээтигэр боруонса мэтээли ылла

Саха сирин спортсмена Эдуард Курченко бүтүн Россиятааҕы кунг-фу чөмпүйэнээтигэр «Ушу төрүт уһун сэбиргэлэ» көрүҥҥэ боруонса мэтээли ситистэ. Бу туһунан «Спорт Якутии» иһитиннэрэр.

Чөмүйэнээт кулун тутар 2-5 күннэригэр Москва куоракка Европейскай ушу уонна кунг-фу федерациятын эгидатынан Россия ушуга федерациятын базатыгар ыытылынна.

Инники Улан Удэ куоракка тохсунньу 30 — олунньу 1 күннэригэр ыытыллыбыт күрэхтэһиигэ Эдуард Курченко салайааччылаах Максим Трофимов, Владимир Закаляпин уонна Инна Суртаева хамаандалара түөрт кыһыл көмүс, икки үрүҥ көмүс уонна икки боруонса мэтээлинэн наҕараадаламмыттара бэлиэтэнэр.