Саха сирин спортсменнара Бакуга ыытыллыбыт күрэхтэһиигэ 15 кыһыл көмүс мэтээли ситистилэр

Өрөспүүбүлүкэ спортсменнара «Антипов мемориала» норуоттар икки ардыларынааҕы чэпчэки атлетика турнирыгар ыстаҥа көрүҥэр 15 кыһыл көмүс, биэс үрүҥ көмүс уонна биэс боруонса мэтээли ыллылар. Бу туһунан «Спорт Якутии» иһитиннэрэр.

Күрэхтэһии тохсунньу 31 күнүттэн олунньу 1 күнүгэр диэри Бакуга ыытылынна.

«Биһиги хамаандабыт олус бэркэ кытынна. Спортсменнар биэс көрүҥҥэ күрэхтэстилэр. Бу сырыы оҕолорго таһаарыылаах уонна туһалаах буолла», — диэн Сахалыы атах оонньууларын Федерациятын толорооччу дириэктэрэ Максим Оегостуров эттэ.

Үс көрүҥ түмүгүнэн, бэйэлэрин саастыылаахтарыгар Ангелина Иванова, Сергей Лыткин, Данил Андросов уонна Валерия Олесова бастаатылар. Ньургун Сокольников үрүҥ көмүс мэтээлинэн наҕараадаланна.

Уһуну ыстаныы көрүҥэр Данил Андросов күрэхтэһээччитин 70 сантиметырынан инники түһэн кыһыл көмүс мэтээли ылла.