Саха сирин өссө икки оскуолатыгар «Точка роста» киинэ арыллыаҕа

РФ бэрэсэдьиэнэ Владимир Путин бигэргэппит «Образование» национальнай бырайыак чэрчитинэн, Алдан оройуонун икки оскуолатыгар цифровой уонна гуманитарнай хайысхалаах «Точка роста» киинэ саҥа үөрэх дьылыгар арыллыаҕа. Бу туһунан СӨ бырабыыталыстыбатын уонна баһылыгын дьаһалтата иһитиннэрэр.

Саҥа киин Томмот ахсыс нүөмэрдээх оскуолатыгар уонна Алдан Солнечнай микрооройуонугар арыллыаҕа.

Саҥа кииннэри оборудованиенан Үөрэх министиэристибэтэ хааччыйар, миэбэли  олохтоох дьаһалта уйунар. Билиҥҥи туругунан, бырайыак олоххо киирэригэр оскуолалар кэбиниэт тыырдылар, хааччыйыы үлэтигэр бэлэмнэнии ыытыллар.

«Образование» национальнай бырайыак иһинэн, 2024 сылга диэри саҥа оборудованиенан хааччыллыылаах кэбиниэттэр бары кыра куорат уонна дэриэбинэ оскуолаларыгар баар буолуохтара.

«Якутия 24» ханаал эрдэ иһитиннэрбитинэн, «Точка роста» үөрэхтээһин киинэ Ленскэй оройуон икки оскуолатыгар арыллыбыта.