Саха сирин судаарыстыбаннаһын күнүгэр ананар ат сүүрдүүтэ ааста

Бүгүн, балаҕан ыйын 27 күнүгэр, Дьокуускайга Саха Өрөспүүбүлүкэтин судаарыстыбаннаһын күнүгэр анаммыт ат сүүрдүүтэ ааста. Бу туһунан СӨ баһылыгын уонна бырабыыталыстыбатын дьаһалтатын пресс-сулууспата иһитиннэрэр.

Өрөспүүбүлүкэтээҕи ат сүүрдүүтэ Арктикатааҕы судаарыстыбаннай агротехническай үнүбэрсиэт ипподромугар алта дистанциянан көрөөччүлэрэ суох ыытылынна.

Саха сирин бырабыыталыстыбатын бэрэссэдээтэлин бирииһин 10 000 миэтэрэ үһүҥҥа Мэҥэ Хаҥалас улууһуттан сылдьар Кылбар ылла, маастар-жокей Егор Оконешников.

СӨ тыа хаһаайыстыбатын министиэристибэтин бирииһин 1600 миэтэрэ уһуҥҥа Мэҥэ Хаҥаластан Дрим Шот ылла, маастар-жокей Виталий Петров.

2000 миэтэрэ уһуҥҥа Ньурба улууһуттан Марокко кыайыыны ситистэ, маастар-жокей Семен Гаврильев.

2400 миэтэрэ уһуҥҥа Амма улууһуттан Мэйзи Кинг кыайда, жокей Спиридон Тимофеев.

Дерби бирииһин кыайыылааҕынан 2400 миэтэрэ уһуҥҥа Хаҥалас улууһуттан Түмэн буолла, жокей Дмитрий Кычкин.

3200 миэтэрэ уһуҥҥа Чурапчы улууһуттан Майн Кениг кыайыыны ситистэ, жокей Анатолий Куличкин.