Саха сирин түөрт киноиндустрия тэрилтэтин судаарыстыба өйүөҕэ

Коронавирус пандемиятын кэмигэр эмсэҕэлээбит киноиндустрия тэрилтэлэригэр, ол иһигэр түөрт хампаанньаҕа судаарыстыба материальнай өйөбүлү оҥоруоҕа. Бу туһунан өрөспүүбүлүкэ вице-премьерэ Ольга Балабкина иһитиннэрдэ.

«Сүүмэрдээһин түмүгүнэн, уопсайа 5 142 494 солкуобай кээмэйдээх өйөбүл оҥорорго коронавирус ыарыыта турбут кэмигэр эмсэҕэлээбит 699 тэрилтэни кытта дуогабар баттанна, ол иһигэр Киин, Cinema Center, Asia киинэ тыйаатырдара уонна өрөспүүбүлүкэтээҕи киинэ ситимэ», — диэтэ кини.

Сүүмэрдээһин 2020 сылга Россия киинэлэрин таһаарбыт, көрдөрбүт уонна прокаттаабыт киноиндустрия тэрилтэлэрин икки ардыларыгар ыытылынна. Судаарыстыба өйөбүлүгэр сүүмэрдээһин туһунан быһаарыы 2020 сыл ахсынньытыгар ылыллыбыта. Өйөбүл Россия киинэтэ киэҥ эйгэҕэ тарҕанарыгар көмө буолуохтаах.