Саха сирин табаардарын биир кэлим онлайн былаһаакката үлэтин саҕалаата

Бүгүн, балаҕан ыйын 27 күнүгэр «Саха сиригэр оҥоһуллубут» («Сделано в Якутии») биир кэлим эргиэн онлайн былаһаакката үлэтин саҕалаата. Бу туһунан ТАСС иһитиннэрэр.

«Бу өрөспүүбүлүкэҕэ оҥоһуллубут табаардар улахан онлайн былаһааккалара буолар. Бу интернет маҕаһыын нөҥүө таҥас-сап, ас-үөл, кинигэлэри, бэлэхтэри, көмүстэн уонна күндү таастартан оҥоһуллубут киэргэллэри, дьиэҕэ-уокка туһалаах тээбириннэри, иһити-хомуоһу, экологическай косметиканы, саха быһаҕын, оннооҕор хомуһу ылыахха сөп», — диэн СӨ урбааҥҥа, эргиэҥҥэ уонна туризмҥа министиэристибэтин пресс-сулууспата иһитиннэрэр.

Туһанааччыларга табыгастаах буоларыгар онлайн-каталог балаһаларга үллэһиллэр, бары табаардары кэккэ критерийдэринэн араарыахха сөп — сыанатынан, дьон биһирэбилинэн, рейтининэн.

Өрөспүүбүлүкэ урбаанньыттарын холбоһуктара Россия бэрэсидьиэнэ Владимир Путин көҕүлээһининэн олохтоммут «Алын уонна орто урбаан уонна урбаанынан дьарыктаныы көҕүлээһинин өйөөһүн» национальнай бырагыраама иитинэн «Алын уонна орто урбаан субъектарын сайдыыларын өйөөһүн» федеральнай бырайыакка олоҕуран тэрилиннэ.