«Саха сирин талааннара» бырайыакка сайаапкалары ылыы саҕаланна

«Саха сирин талааннара» өрөспүүбүлүкэтээҕи каадырдар бырайыактарыгар сайаапкалары ылыы саҕаланна. Түмүгэр уон бастыҥ кыттааччы Ил Дархан үөрэххэ граннарын ылыахтара. Бу туһунан бырайыак пресс-киинэ иһитиннэрэр.

Бырайыак «Миниистир» өрөспүүбүлүкэтээҕи дьыалабыай оонньуу баазатыгар тэрилиннэ. Кыттааччылар бэйэлэрин, идэтийбит уонна салайар кыахтарын арыйыыга туһуланар.

Саха сирин 18-тан 45-гэр диэри саастаах олохтоохторо кытыыны ылыахтарын сөп. Онуоха 2019 сллааҕы «Миниистир» өрөспүүбүлүкэтээҕи дьыалабыай оонньуу кыайыылахтара кыттыыны ылаллара көҥүллэммэт.

Бырайыак түмүгүнэн 300 финалист «LAB.TALENT» компетенциялары сайыннарыы бырагырааматынан үөрэҕи ааһыахтара. Уон бастыҥ кыттааччы Ил Дархан үөрэххэ граннарын ылыахтара.

Сайаапкалары тутуу 2020 сыл алтынньы 26 күнүгэр диэри ыытыллар. Алтынньы 29 күнүттэн кытааччылары саастарынан бөлөхтөргө дистанционнай сүүмэрдээһин саҕаланыаҕа: «А» бөлөххө 18-22 саастаах 100 киһи (бары тута «LAB.TALENT» үөрэҕи ааһыыга ыытыллаллар), «В» бөлөххө 23-35 саастаах 200 киһи, «С» бөлөххө 45-тэн аҕа саастаах саастаах 200 киһи.

Ахсынньыга очнай сессия саҕаланыаҕа. Сессия түмүгүнэн «В» уонна «С» бөлөхтөртөн 200 кыттааччы үөрэҕи ааһыыга талыллыахтара.

«LAB.TALENT» бырагырааманан үөрэтии 2021 сыл олунньутугар саҕаланыаҕа. Бырагыраама түмүгүнэн уон кыттааччы үөрэххэ гран ылыаҕа.