Саха сирин тыа оскуолаларыгар биэс саҥа оптуобус ыллылар

2020-2025 сылларга тыа сирин сайыннарыы судаарыстыбаннай бырагырааматын чэрчитинэн биэс сэлиэнньэ оскуолатыгар саҥа оптуобустары ыллылар. Бу туһунан СӨ тыа хаһаайыстыбатын министиэристибэтин пресс-сулууспата иһитиннэрэр.

«Саҥа тырааныспар Бүлүү улууһун Күбэйиҥдэ уонна Уһун сэлиэнньэлэригэр, Мэҥэ Хаҥалас улууһун Бүтэйдээх сэлиэнньэтигэр, Чурапчы улууһун Килэҥки сэлиэнньэтигэр уонна Сунтаар улууһун Сунтаар сэлиэнньэтигэр үллэрилиннэ», — диэн этиллэр.

Оптуобустар аптечкаларынан, огнетушителларынан уонна хас биирдии олорор сидиэнньэлэрэ оһолтон сэрэтэр курунан хааччыйылыннылар.

Бу сыалга 2020 сылга федеральнай уонна өрөспүүбүлүкэтээҕи бүддьүөттэн аҕыс мөлүйүөнтэн тахса солкуобай көрүлүннэ.