Саха сирин тыаларыгар кырдьаҕастары таһар мобильнай биригээдэлэр тэриллиэхтэрэ

Саха сирин тыатын сиригэр олорор 65-тэрин ааспыт аҕам саастаах дьону медицинскай тэрилтэлэргэ таһарга, 20-тэн тахса мобильнай биригээдэ тэриллиэ. Бу туһунан СӨ вице-премьера Ольга Балабкина иһитиннэрдэ

Тустаах дьаһалы Россия бырабыыталыстыбатын бэрэссэдээтэлэ Дмитрий Медведев баттаата. Бу сыалга өрөспүүбүлүкэҕэ федеральнай хааһынаттан 19,9 мөлүйүөн солкуобай көрүллүө.

«Хайыы үйэ 11,4 мөлүйүөн солкуобай суумаҕа 14 тырааныспар ылыллан, улуустарга тиэрдилиннэ. Өссө 8,5 мөлүуйүөн солкуобай эбии 23 мобильнай биригээдэлэри олохтуурга ыытыллыа. Бу биригээдэлэр кырдьаҕас дьон балыыһаларга көрдөрө тиийэллэригэр көмө оҥоруохтара», — диэн Ольга Балабкина эттэ.