Саха сирин тыйаатырдара хааччахтааһынынан испиктээкиллэрин көһөрөллөр

Өрөспүүбүлүкэ тыйаатырдара коронавирус хааччахтааһыннарынан сибээстээн, үлэһиттэр тастан үлэ көрүҥэр баралларынан, испиктээкиллэрин көһөрөллөр. Бу туһунан СӨ Култууратын министиэристибэтин пресс-сулууспата иһитиннэрэр.

Өрөспүүбүлүкэтээҕи суһал штаб быһаарыытынан, командировка уонна гастрол бобуллар. Көрөөччүнү кытта алтыһыыны бопсор сыалтан, камернай көрүҥнээх кыра тэрээһиннэри ыытар көҥүллэммэт. Роспотребнадзор олохтообут бары миэрэлэрэ учуоттанар улахан саалаларга туруоруу көҥүллэнэр.

«Үлэһиттэр аҥардарын тастан үлэ көрүҥэр көһөрүү туһунан рекомендацияттан испиктээкиллэр, кэнсиэрдэр турар кыахтара суох», — диэн иһитиннэриигэ этиллэр.

П.А. Ойуунускай аатынан Саха академическай тыйаатыра сезонун арыйыытын, премьераларын көһөрдө. Маны таһынан испиктээкиллэрин уонна кэнсиэдэрин көһөрдүлэр: А.С. Пушкин аатынан Нуучча драмтеатра, А5ыйах ахсааннаах Хотугу норуоттар тыйаатырдара, Олоҥхо тыйаатыра, Филармония, Эстрада тыйаатыра, «Туймаада» ансаамбыл, «Саха сирин виртуозтара», Опера уонна балет тыйаатыра, Ньурба, Миирнэй, Нерюнгри тыйаатырдара. култуура тэрилтэлэригэр хааччахтааһын анал уураах уонна өрөспүүбүлүкэтээҕи суһал штаб быһаарыытыгар диэри уһаата.

Култуура министиэристибэтин пресс-сулууспатыгар онлайн-үлэ көрүҥүн күүһүрдэр туһунан эттилэр.

Киинэ тыйаатырдара тэйиччи тутта сылдьыы миэрэлэрин учуоттаан, үлэлэрин салҕаатылар. Библиотекалар Call-центр уонна Электроннай библиотека нөҥүө үлэлиэхтэрэ.