Саха сириттэн Москваҕа көтөн тиийбит сөмөлүөт балаһаттан туора тахсыбыт

Саха сириттэн Москваҕа көтөн тиийбит сөмөлүөт аэропорт көтөр-түһэр балаһатыттан туора тахсыбыт. Бу туһунан РИА новости иһитиннэрэр.

«Саха сириттэн Москваҕа көтөн тиийбит сөмөлүөт «Внуково» аэропорт көтөр-түһэр балаһатыттан туора тахсыбыт, эчэйии суох», – диэн Москва суһал сулууспатын бэрэстэбиитэлэ РИА новостига тириэрдибит.

Чуолкайдаммытынан, Boeing бортугар 109 киһи баар эбит. Пассажирдары олохтоох эрэһииминэн таһаарбыттар, аэропорт сабыллыбатах.

«Нерюнгри-Москва» хайысханан көтөн тиийбит сөмөлүөт «Внуково» аэропортка түһүүтүгэр балаһаттан 30-ча миэтэрэ туора тахсыбыт», – диэн Москва суһал сулууспата иһитиннэрэр.