Саха сириттэн Россия бааныгар сайабылыанньа 13% аччаабыт

Саха сирин олохтоохторо Россия Бааныгар үҥсүү суруйаллара 13% былырыыҥҥыны кытта холоотоххо кыччаабыт.
«501 сайабылыанньаттан 367 кредитнэй тэрилтэлэри, оттон 49 уонна 48 микрофинансовай, страховой тэрилтэлэри үҥсүбүттэр. 37 үҥсүү араас боппуруоһунан киирбит», – диэн Россия баанын Уһук Илиҥҥи филиалын иһитиннэриитигэр этиллэр.
Үҥсүү 40%-на кредитнэй тэрилтэлэргэ үҥсүү кредиттээһиҥҥэ сыһыаннаах. Ипотекаҕа сыһыаннаах үҥсүү — 22%. «Сүрүннээн кредити сатаан төлөөбөттөрүн, судаарыстыбаннай бырагыраамалар чэрчилэринэн реструктуризацияҕа, кредитнэй сынньалаҥҥа аккаастаабыттарын туһунан суруйбуттар», – диэн иһитиннэриигэ этиллэр.
Страховой боппуруостарга үксүн ОСАГО-ны, страховка төлөбүрэ уһаабытын туһунан үҥсүбүттэр. «Биһиэхэ страховкаламмыт дьонтон ОСАГО дуогабарга аккаастаабыттарын туһунан суруйаллар. Страховой хампаанньа оннук гынар бырааба суох», — диэбит национальнай баан Уһук Илиҥҥи филиалын управляющайа Игорь Назаров