Саха спортсменнара греко-римскэй тустуу күрэхтэһиитигэр биэс мэтээли ситистилэр

Саха сирин тустууктара Хабааровскай кыраай Комсомольскай куоратыгар ыытыллыбыт, 21 саастарыгар диэри юниордарга Уһук Илиҥҥи уокурук греко-римскэй тустуу күрэхтэһиитигэр биэс мэтээли ситистилэр. Бу туһунан «Спорт Якутии» иһитиннэрэр.

Артур Константинов (60 киилэҕэ) уонна Владислав Павлов (67 киилэҕэ) кыһыл көмүс мэтээлинэн, Сергей Павлов (72 киилэҕэ) үрүҥ көмүс мэтээлинэн, Дмитрий Григорьев (55 киилэҕэ) уонна Роман Нестеров (97 киилэҕэ) боруонса мэтээлинэн наҕараадаланнылар.

«Күрэхтэһии бары призердара Россияҕа бастыыр иһин күрэххэ кытта барар туһунан путевка сүүйдүлэр», — диэн хамаанда үрдүкү тренерэ Кирилл Павлов бэлиэтээтэ.