Саха тустууктара бүтүн Россиятааҕы турнирга сэттэ мэтээли ыллылар

Саха сирин сүүмэрдэммит хамаандата Красноярскайга ыытыллыбыт Д.Г.Миндиашвили аатынан тутсуу Академиятын бирииһигэр ыытыллыбыт көҥүл тустууга бүтүн Россиятааҕы турнирга үс кыһыл көмүс, икки үрүҥ көмүс уонна биир боруонса мэтээли ылбыт. Бу туһунан «Спорт Якутии» иһитиннэрэр.

Ол курдук, 65 киилэҕэ диэри ыйааһыннаахтарга Айсен Потапов кыһыл көмүс мэтээли ылбыт. Түмүк киирсиигэ үрүҥ көмүс мэтээли ылбыт атаһын Петр Павловы хоппут.

92 киилэҕэ диэри ыйааһыннаахтарга Ньургун Сергин иккис кыһыл көмүс мэтээли ылбыт. Үһүс кыһыл көмүс мэтээли 70 киилэҕэ диэри ыйааһыҥҥа 3:1 ахсааннаах Виктор Рассадин аҕалбыт.

61 киилэҕэ диэри ыйааһыннаахатарга Петр Константинов уонна 97 киилэҕэ диэри ыйааһыннаахатарга Максим Толмачев үрүҥ көмүс мэтээллэри ылбыттар.

57 киилэҕэ диэри ыйааһыннаахатарга Дархан Игнатьев боруонса мэтээл хаһаайынынан буолбут.

Турнирга Россия 18 регионуттан барыта 300-тэн тахса спортсмен кыттыыны ылбыт.