Саха тустууктара Кемерово куоракка аан дойдутааҕы турнирга кыттыахтара

Саха сирин үс тустууга Кемерово куоракка «Шахтер албан аата» («Шахтерская слава») диэн аан дойдутааҕы турнирга бу дьыл алтынньы ый 19 күнүгэр кыттыахтара. Бу туһунан «Спорт Якутии» иһитиннэрдэ.

«Үгэс быһыытынан, «Кузбасс» көбүөрүгэр биһиги өрөспүүбүлүкэбит спортсменнара тустуохтара. Быйыл Саха сириттэн үс тустуук киирсиэҕэ», —диэн биллэрдилэр.

Өрөспүүбүлүкэ чиэһин Петр Константинов (57 киилэ ыйааһыҥҥа), Яков Павлов (61 киилэ ыйааһыҥҥа) уонна Айсен Потапов (65 киилэ ыйааһыҥҥа) көмүскүөхтэрэ.

Турнир Кемерово куоракка сэттис төгүлүн ыытыллар. Бу турнир Сибиир уокуругар саамай инники күөҥҥэ сылдьар .

Күрэхтэһиигэ 20 араас дойдуттан уопсайа 280-тан тахса тустуук кыттыаҕа.