Саха тустууктара Красноярскайга бүтүн Россиятааҕы турнирга кыттыахтара

Тохсунньу 10-11 күннэригэр Красноярскайга Д.Г. Миндиашвили аатынан тустуу академиятын бирииһигэр бүтүн Россиятааҕы көҥүл тустуу аһаҕас турнира буолар. Саха сириттэн 20 тустуук кыыттыыны ылыаҕа. Бу туһунан «Спорт Якутии» иһитиннэрэр.

Өрөспүүбүлүкэ талыллыбыт хамаандата 57, 61, 65, 74, 92, 97 киилэҕэ диэри ыйааһын категориятыгар тустуохтара. Саха сирин аатыттан Федор Постников, Никита Андреев, Альберт Мигалкин, Дьулус Федотов Айхаан Антонов, Владислав Кривошапкин, Айтал Захаров, Сергей Максимов, Александр Неустроев, Яков Павлов, Андрей Семенов, Алексей Данилов, Константин Капрынов, Ньургун Андреев, Петр Кириллин, Константин Власов, Иван Ефремов, Ларион Андреев, Ньургун Сергин, Максим Толмачев киирсиэхтэрэ.

Күрэхтэһиигэ Россияттан уонна Казахстантан 350 спортсмен кыттыыны ылыахтааҕа бэлиэтэнэр.