Саха тустууктара Стамбул куоракка норуоттар икки ардыларынааҕы турнирга кыттыахтара

Тохсунньу 10 күнүгэр Стамбул куоракка олимпийскэй чемпион Яшар Догу аатынан норуоттар икки ардыларынааҕы тустуу күрэхтэһиитэ саҕаланар. Саха сириттэн Виктор Рассадин, Арыйаан Тютрин уонна Петр Константинов кыттыыны ылыахтара. Бу туһунан «Спорт Якутии» иһитиннэрэр.

«Аан дойду кубогын баһылаабыт Виктор Рассадин уонна Арыйаан Тютрин 70, 61 киилэ ыйааһыҥҥа киирсиэхтэрэ. Аан дойду күрэхтэһиитин призера Петр Константинов чэпчэки ыйааһыҥҥа 57 киилэҕэ тустуоҕа. Тохсунньу 10 күнүгэр күрэхтэһиини 57 уонна 70 киилэ категорияҕа киирсэр спортсменнар саҕалыахтара . Тохсунньу 11 күнүгэр көбүөргэ 61 киилэҕэ тустааччылар көрсүһүөхтэрэ».