Казахстанҥа Саха тылын быһаарыылаах улахан тылдьытын сүрэхтээтилэр

Алматы куоракка Казахстан өрөспүүбүлүкэтин национальнай библиотекатыгар 15 томтан турар Саха тылын быһаарыылаах улахан тылдьытын сүрэхтээтилэр.

Тылдьыт ааптара Саха сирин наукатын академиятын академика, филологическай наука доктора, профессор Петр Слепцов, тылдьыт бырайыагын салайааччыта, филологическай наукалар кандидаттара Владимир Монастырев, ону тэҥэ Тыл үөрэҕин институутун уонна Казахстан өрөспүүбүлүкэтин национальнай библиотекатын үлэһиттэрэ кыһыл лиэнтэни быстылар.

«92 300 тылтан уонна 57 856 тыллар холбоһууларыттан турар 15 томтан турар Казах тылын быһаарыылаах улахан тылдьытын кэнниттэн, Саха тылын быһаарыылаах улахан тылдьыта түүр тылынан иккис улахан дьоһуннаах тылдьыт буолар», — диэн филологическай наука доктора, профессор, Казахсатан өрөспүүбүлүкэтин Байтусынов аатынан Тыл үөрэҕин институутун дириэктэрэ Жунисбек Алимхан бэлиэтээтэ.