Саха тылын быhаарыылаах тылдьытын электроннай барыйаана таҕыста

НВК САХА – Саха сирин национальнай библиотекатын үлэһиттэрэ 80 тыһыынча тыллаах Саха  тылын быһаарыылаах тылдьытын электроннай барыйаанын оҥордулар.

Тылдьыты Горнай Бэрдьигэстээҕэр сүрэхтээтилэр, манна Ил Дархан Айсен Николаев кытынна.

«Тылдьыт саамай уратыта диэн, манна түөлбэ тыллара, норуот тылынан уус-уран айымньытын матырыйаалларын баайа киирдэ. Маны таһынан, тылы быһаарыы нууччалыы уонна сахалыы бэриллэр. Онон тылдьыты туһанааччы ахсаана элбиэн сөп», — диэтэ Гуманитарнай чинчийии институтун дириэктэрэ Наталья Попова.

15 томнаах тылдьыты 46 сыл тухары оҥордулар. Бүтэһик тома 2018 с. тахсыбыта.