Саха уола илиилэрэ-атахтара оһолломмут дьоҥҥо чэпчэки атлетикаҕа Россия спордун маастара буолла

Саргылан Семенов Чувашия өрөспүүбүлүкэтигэр ыытыллыбыт Россия Кубогар илиилэрэ-атахтара оһолломмут дьон кэккэтигэр чэпчэки атлетикаҕа Россия спордун маастарын нуорматын толордо. Бу туһунан «Спорт Якутии» иһитиннэрэр.

«Саргылан түмүккэ саамай күүстээх уонна уустук Т47 кылааска 60 миэтэрэҕэ 00:07:42 түмүктээх сүүрэн бэһис миэстэни ылан, Саха сирин спортсменнарыттан маҥнайгынан чэпчэки атлетикаҕа спорт маастарынан буолла. Ону тэҥэ үс төгүл ыстаныыга иккис миэстэни ылары ситистэ», — диэн өрөспүүбүлүкэ сүүмэрдэммит хамаандатын үрдүкү тренера Василий Оленов кэпсээтэ.

Саха сирин сүүмэрдэммит хамаандата 14 мэтээли ылбыта бэлиэтэнэр.

Россия Кубогар дойду 46 регионуттан уопсайа 214 спортсмен кыттыыны ылла.