Саха устудьуоннара WorldSkills Russia 2020 кыайдылар

Саха сирин устудьуоннара Александр Сонтоев уонна Павел Спиридонов WorldSkills Russia 2020 «Эдэр профессионаллар» VIII-с национальнай чөмпүйэнээккэ кыһыл көмүс мэтээли ыллылар. Бу туһунан чөмпүйэнээт регионнааҕы координационнай киинин пресс-сулууспата иһитиннэрэр.

Томпо улууһун Хаандыга бөһүөлэгин горно-геологическай техникумун устудьуоннара маркшейдерия уонна геодезия преподавателэ Денис Захаров салататынан өрөспүүбүлүкэтээҕи уонна региональнай түһүмэхтэргэ кыттан чөмпүйэнээт финалыгар тиийдилэр.

Уолаттар финалга кыттыыга бэлэмнэнэллэригэр leica ts06 тахометр, ts16 роботизированнай тахеометр, GNSS leica gs16 спутниковай приемник, leica BLK360 сканер курдук прибордарынан, ону тэҥэ кредо иэннэр, кредо топограф, Civil 3D, Leica Cyclone Register 360 курдук бырагыраамаларынан дьарыктаммыттар.

Олохтоммут эпидемиологическай балаһыанньанан сибээстээн тэрээһин балаҕан ыйын 6-21 күннэригэр дистанционно-очнай быһыылаах ааһар.

WorldSkills идэ маастарыстыбатын күрэҕэ 16-22 саастаах устудьуоннар уонна 12-16 саастаах юниордар кэккэлэригэр ыытыллар.

Экспертэр Москваҕа уонна Санкт-Петербурга олорон, видео сибээс көмөтүнэн онлайн эрэһииминэн күрэх ыытыллыытын хонтуруоллууллар уонна кытааччылар үлэлэрин сыаналыыллар.

Күрэххэ юниордары уонна тас дойдуттан сылдьар кыттааччылары ааҕан туран 2800 киһи кыттыыны ылар. Саха сириттэн 80 хайысханан 104 кыттааччы финалга киирдэ.