Саха ыччата Крымҥа «Таврида» форумҥа кыттар

НВК САХА – Култуура уонна искусство Арктическай институтун устудьуоннара Крымҥа 2015 сыллаахтан ыытыллар бүтүн арассыыйатааҕы «Таврида» ыччат форумугар кытта сылдьаллар.

Долун Борисов уонна Спартак Ларионов иккиэн тыйаатыр искусствотын хаапыдыратын устудьуоннара. Кинилэр кыттар сменалара “Stand up comedy” диэн. Манна кураатар – «Comedy Club» резиденэ, стендапер уонна ыытааччы Андрей Бебуришвили.


«Форумҥа биһиги улахан сүүмэрдиир куонкуруһу ааһан кэллибит. Ыччат дьыалаларыгар уонна социальнай коммуникацияҕа министиэристибэҕэ махтанабыт. Ыччакка маннык кыаҕы биэрэрэ суолталаах. Бэйэбит уруккуттан КВН оонньуубут уонна дойду таһымыгар ситиһиилээх дьонтон үөрэнэр санаалаах этибит», – диэн кэпсииллэр уолаттар.

«Таврида» форумҥа күн аайы араас ыалдьыт кэлэр. Ол курдук, Евгений Петросян, Елена Борщева, Андрей Берурашвили, Гаврил Гордеев, Иван Пышненко, “Камеди клаб” резиденэ “USB” бөлөх, “Студия СОЮЗ”биэрии резиденнэрэ, “Сборная камызякского края по квн” бөлөх, ТНТ ханаалга “Stand up” бырайыак кыттааччылара Виктор Комаров уонна Юрий Касимцев, “Comedy Woman” резиденнэрэ Наталья Медведева уонна Мария ФедункивАлександр Коптель, Америкаттан артыысДжонатан Лондон.