Саха жокейа Александр Лиханов Башкортастан баһылыгын бирииһин сүүйдэ

Саха жокейа Александр Лиханов Уфа куоракка Башкортостан өрөспүүбүлүкэтин баһылыгын бирииһигэр ыытыллыбыт ат сүүрдүүтүгэр кыайда. Бу туһунан «Спорт Якутии» иһитиннэрэр.

«Туймазинскай оройуон аатыттан кыттыбыт саха жокейа Александр Лиханов кыайыыны ситистэ. Кини күрэҥ биэтэ Реактивити, бу иннинэ атын күрэхтэргэ бастыы илик. 2400 миэтэрэҕэ көрдөрүүтэ – 2.43,2 тэҥнэстэ», — диэн этиллэр.

Спортсмен Александр Лиханов, тренер Флюр Батыров уонна Реактивити хаһаайына Радик Гареев регион баһылыга Радий Хабировтан сүрүн бирииһи уонна 250 тыһыынча солкуобай суумалаах сертификаты туттулар.

Саха жокейа быйыл сайын маастар нуорматын толорбута этиллэр. Бу Александ Лиханов 2020 сылга Казань уонна Уфа стадионнарыгар тохсус кыайыыта буолар. Кини ат сүүрдүүтүгэр карьерын устата сүүйбүт бириистэрин уопсай суумата 3,13 мөлүйүөн солкуобайга тиийэр.