Саха жокейа Москваҕа ыытыллыбыт ат сүүрдүүгэ кыайда

Саха сириттэн сылдьар жокей Спиридон Тимофеев бэс ыйын 7 күнүгэр Москваҕа ыытыллыбыт ат сүүрдүүгэ кыайда. Бу туһунан «Спорт Якутии» иһитиннэрэр.

Саха уола бастакы заездка 1800 миэтэрэ уһуннаах дистанцияҕа кытынна. Стартка уопсайа биэс ат сүүрдэ, ол иһигэр Спиридон Тимофеев англия ыраас хааннаах Темпл Варриор сүүрүк атын мииннэ.

Атыыр бастаан дистанция фаворитын быһыытынан көрүллүбэт этэ, ол эрээри түмүгэр кэнниттэн иһэр аты икки корпустан ордугунан ситэн, бастыҥ бириэмэни көрдөрдө.

Бу Спиридон Тимофеев уонна Темпл Варриор быйылгы сезоҥҥа маҥнайгы кыайыылара буолар. Бириистэрин кээмэйэ 70 000 тыһыынча солкуобайга тэҥнэстэ.