Сахамин Афанасьев «Сибиир күүһэ» гаас утаҕын тутуутун бэрэбиэркэлээтэ

СӨ экология, айылҕаны туһаныы уонна ойуур хаһаайыстыбатын министиистирэ Сахамин Афанасьев Ленскэй оройуонун соҕуруу-арҕаа өттүгэр Чаяндатааҕы сир баайын хостуур учаастакка сырытта уонна «Газартстрой» ХЭУо эбийиэктэрин көрдө. Бу туһунан министиэристибэ пресс-сулууспата иһитиннэрэр.

«Сибиир күүһэ» гаас утаҕа тутуллар сирин иэнинэн аан маҥнайгыттан экологическай мониторинг ыытыллар. Манна мэлдьи айылҕа туругун кэтиир-маныыр үлэ барар. Үлэ саҕаланыан иннинэ оҥорон таһаарар уонна тулалыыр эйгэ харыстабылын хааччыйар эбийиэктэри көрдүбүт», — диэн Сахамин Афанасьев бэлиэтээтэ.

Миниистир сырыытын кэмигэр бырамыысыланнай уонна хаһаайыстыбаннай үлэҕэ туттуллубут кирдээх ууну термическай ньыманан ыраастыыр тутуулары бэрэбиэркэлээтэ. Ону тэҥэ маһы сыыска кубулутар тэрили көрдө.

«Бу мас сыыһын хочуолунайдар оттуктарыгар ыытабыт. Маннык термическай ньыманан суох оҥорор, ыраастыы тэрил Саха сиригэр соҕотох. Бу тэрил мас сыыһын эрэ буолбакка, неби танастааһыҥҥа ордон хаалар тобоҕу эмиэ термическай ньыманан суох оҥорор », — диэн «ГазАртСтрой» хампааньа бэрэстэбиитэллэрэ кэпсээтилэр.

2019 ахсынньы 1 күнүгэр «Сибиир күүһэ» гаас утаҕын үөрүүлээх быһыыга үлэҕэ киллэрии былааннанар.