Санитарнай нуорманы тутуһууга 270 тэрилтэни бэрэбиэркэлээтилэр

Административнай хамыыһыйа Саха сирин алта оройуонугар барыта холбоон 271 тэрилтэни санитарнай нуорманы тутуһалларын бэрэбиэркэлээтэ. Ол курдук, Нам, Хаҥалас, Амма, Мирнэй, Ньурба, Үөһээ Халыма оройуоннарыгар атыы-эргиэн, араас өҥө, сынньалаҥ кииннэри бэрэбиэркэлээтилэр. «Бу күннэргэ 271 рейдэ буолла. Роспортребнадзор уорганнара 5 сэрэтии уонна 39 бэрээдэги кэһиини туоратар суруктары биэрдилэр», — диэтэ бырабыыталыстыба бэрэссэдээтэлин солбуйааччы э.т. Михаил Никифоров. 11 комиссионнай көрүү уонна 13 административнай кэһии аактатын боротокуола оҥоһуллубут. 10 административнай дьыала суукка барбыт, онтон сэттэтэ көрүллүбүт. Дьокуускайга 151 бэрэбиэркэ ыытыллыбыт: 107 маҕаһыыҥҥа, 15 аһыыр сиргэ, 23 бытовой өҥөнү оҥорор кииннэргэ, 3 сынньалаҥ киинигэр, 9 фитнес-кииҥҥэ.

Дьокуускайга рейдэ түмүгүнэн түөрт административнай дьыала тэриллибит.