Сардаана Трофимова Adidas рекламатыгар уһуллубут

Саха сүүрүгэ Сардаана Трофимова спортивнай таҥаһы уонна атах таҥаһын оҥорор биллиилээх бренд Adidas рекламатыгар уһуллубут.

Россия марафоҥҥа түөрт төгүллээх чемпиона уһуллубут видеоролига хампаанньа Instagram аккаунугар тахсыбыт. Реклама сүүрэргэ кэтиллэр кроссовка саҥа моделыгар анаммыт.

Сардаанаттан ураты роликка ыытааччы Александр Гудков, спортсмен Ринас Ахмадеев уонна блогер Катя Адушкина уһуллубуттар.

Санатар буоллахха, Сардаана Трофимова 2020 сыл ахсынньытыгар Россия марафоҥҥа чемпионатын төрдүс төгүл кыайбыта уонна олимпийскай нуорманы толорбута.