«Сэргээ» биэриигэ: доруобуйа харыстабылын туһунан

Социальнай ситим нөҥүө итиннэ балыыһа сабыллан эрэр, манна балыыһа сабыллан эрэр диэн сурах сотору-сотору тахсар буолла. Бу сурах төрүөттээх дуо? Ону тэҥэ доруобуйа харыстабылын национальнай барыла олоххо хайдах киирэн иһэрий?

Биэриигэ СӨ доруобуйа харыстабылын миниистирин бастакы солбуйааччы Егор Прокопьев, Бүлүү улууһун киин балыыһатын сүрүннүүр бырааһа Егор Григорьев уонна Уус Алдан улууһун киин балыыһатын сүрүннүүр бырааһа Анна Петрова ыалдьыттаатылар.

Ыраах сытар тыа нэһилиэктэригэр саҥа биэлсэр-акушер пууна тутуллуутун, «Доруобуйа харыстабыла» национальнай барыл хайысхаларын хаамыытын, «Земскэй быраас» бырагыраама үлэтин, медицина өҥөтүн хаачыстыбатын, искэн ыарыытын арыйыы, эмтээһин уонна да атын доруобуйа харыстабылын эйгэтигэр сыһыаннаах боппуруостар тула кэпсэтиини сиһилии «Сэргээ» биэриигэ көрүҥ.