«Сэргээ» биэриигэ: ускул-тэскил сылдьар дьон кыһыны хайдах туорууруй?

Халлаан тымныыйан кыһыммыт чугаһаан истэҕин аайы дьиэтэ-уота суох, ускул-тэскил сылдьар дьону киһи аһына көрөр. Маннык бэйдиэ сылдьар дьон ахсаана сылын ахсын элбээн иһэрэ бэлиэтэнэр. Бу дьон ханна хонон, тугу аһаан-сиэн сылдьарый?

Биэриигэ «Алмаас» общественнай тэрилтэ салайааччыта Серафим Иванов, социальнай өҥөнү оҥорор кэлим киин дириэктэрэ Наталья Пахомова, «Байанай» кулууп үлэһитэ Георгий Ермолаев ыалдьыттаатылар. Ону тэҥэ «Чэбдик олох» приют төрүттээччитэ Николай Яковлев бу туһунан санаатын эттэ.

Бу уулуссаҕа буккулла сылдьар дьон туох санаалааҕа буолуой? Туохха түбэспит дьон бу курдук мөкү суолу таларый? Маннык киһи бэйэ бодотун тардынарыгар, олоххо төннөрүгэр туох көмө оҥоһулларын, ханнык үлэ ыытылларын, уопсастыба маннык дьоҥҥо хайдах сыһыаннаһыахтааҕын туһунан уонна да атын ыйытыктар тула кэпсэтиини сиһилии «Сэргээ» биэриигэ көрүҥ.