Аҕа дойду Улуу сэриитин кыттыылаахтара поеһынан босхо айанныахтара

Аҕа дойду Улуу сэриитин кыттыылаахтара уонна инбэлииттэрэ Россия иһигэр поеһынан босхо айанныыр кыахтаннылар. Кинилэри биир киһи арыаллыан сөп. Бу туһунан «Саха сирин тимир суоллара» тэрилтэ пресс-сулууспата иһитиннэрэр.

Ол курдук, кинилэргэ босхо билиэт «Люкс», СВ, купелаах вагоннарга барыларыгар көрүллэр.

Толору хааччыллыылаах вагоннарга бэтэрээннэртэн уонна кинини кытта айанныыр дьонтон сервиснэй өҥөҕө, проездной докумуоннары оҥорууга уонна төнүннэриигэ харчы ылыллыа суоҕа.