Сэтинньигэ АЛРОСА алмааһы 390 мөл долларга атыылаабыт

Сэтинньигэ АЛРОСА хампаанньа алмааһы уонна бриллианы уопсайа 390,5 мөлүйүөн долларга атыылаабыт. Бу туһунан хампаанньа пресс-сулууспата иһитиннэрэр.

Ол курдук, 374,1 мөлүйүөн долларга алмаас, 16,4 мөлүйүөн долларга бриллиант атыыламмыт. 2020 сыл уон биир ыйын устата бородууксуйатын уопсайа 2,280 миллиард долларга атыылаабыттар.

«Сэтинньигэ сүрүн атыылаһааччыларбыт алмааһы үчүгэйдик ыллылар. Ити АХШ-га уонна Кытайга бриллианнаах ювелирнай киэргэллэр атыыларын кэмэ саҕаланан, гранильнай сектор сыыйа-баайа саппааһын хаҥатыытын кытта сибээстээх», – диэн АЛРОСА генеральнай дириэктэрин солбуйааччы Евгений Агуреев эттэ.