Сэттэ киһи тыына быстыбыт антисептигын састаабар 69% метанол баара билиннэ

Таатта улууһугар сэттэ киһи тыына быстыбыт антисептигын састаабын чинчийии түмүгэр 69 % метанол баара билиннэ. Бу туһунан Роспотребнадзор пресс-сулууспата иһитиннэрэр.

«Антисептик тобоҕун Дьокуускайга экспертизаҕа аҕалбыттара. ANTISEPT’S «Илиини соттор тирии антисептига» боруобаны лабораторияҕа чинчийдилэр. Химическэй анаалыс түмүгэр, састаабыгар 69 % метанол баара билиннэ», — диэн иһитиннэриигэ этиллэр.

30 грамм метанолу истэххэ киһи өлүөн сөбө, 5-10 грамм киһини көрбөт оҥороро бэлиэтэнэр.

Сэтинньи 19 күнүгэр Таатта улууһугар тоҕус киһи испиирдээх веществоттан сүһүрдэ, ол иһигэр сэттэ киһи тыына быһынна.

Сэтинньи 18 күнүгэр «Баай ас» маҕаһыынтан олохтоохтор биэс лиитирэлээх «Илиини соттор тирии антисептигын» атыыласпыттара уонна испиттэрэ билиннэ.