Шевченко уулуссатыгар тахсыбыт баһаарга биир киһи суорума суолламмыт

Бүгүн, олунньу 8 күнүгэр, Дьокуускай куорат Шевченко уулуссатын 4-с №-гэр баар элбэх кыбартыыралаах мас дьиэҕэ тахсыбыт баһаарга биир киһи өлүһүн буллулар. Бу туһунан ЫБММ өрөспүүбүлүкэтээҕи салаатын пресс-сулууспата иһитиннэрэр.

«Баһаарынай сулууспа бастакы чааһа тиийиитигэр уот иккис подъезка биир кыбартыыраны ылбыт. Уон киһини эвакуациялаабыттар», — диэн этиллэр.

Дьиэ бастакы этээһигэр биир кыбартыыра, иккис этээһигэр икки кыбартыыра уонна 100 кв. миэтэрэ иэнинэн дьиэ сарайа уоттан эмсэҕэлээбит. Баһаар миэстэтигэр биир киһи өлүгүн булбуттар.

Быһылаан оннугар ЫБММ дознавателлэрэ, силиэдэбэтэллэр уонна криминалистар үлэлииллэр.