Силиэстийэлиир кэмитиэт баһаарга икки киһи өлүүтүнэн бэрэбиэркэ ыытар

Силиэстийэлиир кэмитиэт балаҕан ыйын 6 күнүгэр Мархаҕа түөрт кыбартыыралаах олорор дьиэҕэ тахсыбыт баһаары умуруоруу кэмигэр, кэргэнниилэр өлүктэрэ көстүбүтүнэн бэрэбиэкэ тэрийдэ. Бу туһунан Россия силиэтийэлиир кэмитиэтин өрөспүүбүлүкэтээҕи салаатын пресс-сулууспата иһитиннэрэр.

«Баһаарга кэргэнниилэр суорума суолланнылар — 1955 сыл төрүөх эр киһи уонна 1961 сыл төрүөх дьахтар. Көрүү кэмигэр күүһүнэн өлөрүү сибикитэ бэлиэтэммэтэ. Өлүү төрүөтүн олохтуурга суут- медицинскэй экспертиза ананна», – диэн этиллэр.

Силиэдэбэтэллэр уонна ЫБММ үлэһиттэрэ быһылаан тахсыбыт сиригэр көрүүлэри ыыттылар, көрбүт дьону ыйыталастылар, баһаар тахсыбыт төрүөтүн олохтооһуҥҥа көмөлөһүөн сөптөөх предметтэри ыллылар. Маны тэҥэ суут баһаарынай-техническэй уонна электротехническэй экспертизалара ананнылар.

Санатар буоллахха, балаҕан ыйын 6 күнүгэр Марха оройуонугар тахсыбыт баһаарга икки киһи тыына быһынна.