Снайпер Кульбертиновка пааматынньык туруоруохтара

НВК САХА — Дьокуускайга Улуу Кыайыы 75 сылын көрсө биллэр снайпер Иван Кульбертиновка пааматынньык туруоруохтара. Бу туһунан бүгүн Ил Түмэҥҥэ кэпсэттилэр. 

Былаан быһыытынан пааматынньык Чернышескай уулуссатыгар туруохтаах. 

«Биһиги снайпердарбыт Сахабыт сирин киэн туттуута буолаллар. Бренд даҕаны диэххэ сөп, алмааспыт курдук. Дьоруойга пааматынньык туруоруу аҕыйах ахсааннаах төрүт норуот чаҕылхай бэрэстэбиитэлигэр убаастабыл уонна билинии бэлиэтэ», – диир Ил Түмэн бэрэссэдээтэлэ Петр Гоголев

Ону кытта Иван Кульбертиновка «Сэбиэскэй сойуус дьоруойа» аат иҥэриллибэтэҕин боруостуохха наадатын бэлиэтээтэ.