Сокуонайа суох миграннары регистрациялаан 150 тыһыынча ыстараап

Алдан оройуонун олохтооҕо дьахтар сокуону кэһэн туран атын дойду гражданнарын регистрациялаабытын иһин буруйданна. Бу туһунан СӨ борокуратууратын пресс-сулууспата тиэрдэр.

«Сууттаначчы бэйэтэ бас билэр олорор дьиэтигэр түөрт атын дойду гражданнарын учуокка туруорбута билиннэ», — диэн иһитиннэрэллэр.

Учуокка туруоруу сымыйанан оҥоһуллубут. Атын дойду гражданнара бу аадырыска олорботторо бэлиэтэммит.

 Суут дьахтарга 150 тыһыынча солкуобай кээмэйдээх ыстараабы түһэрбит.