Солбуйар учууталы көрдүүр боппуруоһунан суһал линия үлэлээтэ

СӨ Үөрэҕин уонна наукатын министиэристибэтэ сүрүн үөрэтэр учуутал ыарыйдаҕына, солбуйар учууталы көрдүүр суһал линия үлэлэттэ. Бу туһунан Үөрэх миниистирэ Михаил Сивцев Instagram-страницатыгар иһитиннэрдэ.

«Тастан үөрэтии көдьүүһүн үрдэтэргэ, саҥа ньымалары үөрэтэргэ балаҕан ыйыттан, күннэтэ учууталларга анаан онлайн-семинардар ыытыллаллар. Маны таһынан, сүрүн учуутал ыарыйдаҕына солбуйар учууталы көрдүүр суһал линия 8-800-100-99-43 үлэлэттибит», — диэн Михаил Сивцев суруйар.

Үөрэҕи сайыннарыы уонна квалификацияны үрдэтии үнүстүтүүтүн сайтыгар киирэн билсиэххэ уонна суруйтарыахха сөбүн бэлиэтээтэ.

«Өрөспүүбүлүкэ үрдүнэн 65-тэн аҕа саастаах 1 039 учуутал оскуолаҕа үлэлиир. Баһыйар өттө таһыттан, эбэтэр больничнай лиистээх. Хомойуох иһин, сирэй үөрэтиигэ көһөр ис хоһоонноох сайабылыанньалар киирэллэр. Бу көҥүллэммэт», — диэн миниистир эбэн эттэ.

Министиэристибэ өйдөтөр үлэни куруук ыытар. Оскуолаҕа коронавируһунан ыалдьыбыт киһи анаалыһа бигэргэнэр түбэлтэтигэр, алтыспыт дьон 14 күн устата дистанционнай үлэ көрүҥэр көһөрүллэр. Доруобуйа туруга мөлтөөбөтөҕүнэ, үөрэтии сөргүтүллэр.