Соморсун сэлиэнньэтигэр култуура саҥа дьиэтэ тутуллара былааннанар

2022 сылга Амма улууһун Соморсун сэлиэнньэтигэр Култуура саҥа дьиэтэ тутуллара былаананар. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.

Иһитиннэриини Соморсун нэһилиэгин баһылыга Алексей Кононов тириэртэ.

«Билигин нэһилиэккэ култуура саҥа дьиэтэ тутуллара былаананар. Бу бырайыагынан сэлиэнньэ сирдэрин комплекснай сайыннарыы бырагырааматыгар кыттабыт. Көмүскээтэхпитинэ, 2022 сылга тутуу саҕаланар», — диэтэ кини.

Кини этэринэн, тэрилтэҕэ норуот суруйааччыта Василий Васильев — Харысхал аатын иҥэриэхтэрэ.

Маны таһынан, суруйааччы төрөөбүт нэһилиэгэр Мээндигэҕэ Дьиэ-музей уонна Кинигэ дьиэтэ тэриллэрэ былааннанар.