СПИД-киин лабораториятыгар COVID-19 анаалыһын чинчийиэхтэрэ

СПИД ыарыытын сэрэтэр киин өрөспүүбүлүкэтээҕи лабораторията коронавирус ыарыытын утары туһаныллыаҕа.

Бу туһунан өрөспүүбүлүкэҕэ эпидемиологическай балаһыанньаны билиһиннэрэр брифинг кэмигэр суһал штаб салайааччытын солбуйааччы Ольга Балабкина иһитиннэрдэ.

«Коронавирус чинчийиитин түмүгүн быһаарыы боппуруоһа бастакы миэстэҕэ турар. СПИД-киин чинчийэр кыаҕын улаатыннардахха бу кыһалҕа быһаарыллар», — диэтэ кини.

Маны таһынан, кэнники нэдиэлэҕэ Дьокуускай балыыһалара анаалыс түмүктэрин биэриини икки күҥҥэ тиийэ аччаттылар.

Өрөспүүбүлүкэ үрдүнэн COVID-19 бигэргэммит ыарыһахтарыгар инфекционнай куойкалар тэриллэллэр. Медицинэ тэрилтэлэрэ нэһилиэнньэҕэ диспансеризация уонна грипп утары быһыыны ыыталлар.

«Коронавирус ыарахаттарын үрдүнэн, доруобуйа харыстабылын систиэмэтэ диспансеризация чааһыгар туруоруммут соруктарын толоруоҕа», — диэн Ольга Балабкина түмүктээтэ.