Спорт эбийиэктэригэр санитарнай ыраастаныы күннэрэ олохтонно

Нэһилиэнньэҕэ куттал суох буолуутун хааччыйар туһуттан, өрөспүүбүлүкэ киинин спортивнай эбийиэктэригэр санитарнай ыраастаныы күннэрэ олохтонно. Бу туһунан өрөспүүбүлүкэтээҕи Спорт министиэристибэтэ иһитиннэрэр.

Дьокуускайга физическэй култуура уонна спорт министиэристибэтин эбийиэктэриттэн Н.Н. Тарскай аатынан «Туймаада» стадиона, «Самородок», «Чолбон» бассыайыннар, «Модун», «Дохсун» спорт комплекстара уонна «Эллэй Боотур» муус дыбарыаһын дьарыктанар саалата үлэлииллэр.

«Министиэристибэ эбийиэктэригэр гражданнары ыарыыга сыстыһыыттан харыстыыр сыаллаах дезинфекциялыыр үлэлэр ыытыллаллар. Миниистир бирикээһинэн, бэнидиэнньик уонна баскыһыанньа аайы санитарнай күн олохтонно», — диэтэ миниистир э.т. Семен Чердонов.

Спорду таптааччылар цифровой пропуск оҥорторуохтарын сөбүн миниистир солбуйааччыта бэлиэтээтэ. Ол туһугар propusk.sakha.gov.ru/auth порталга бэлиэтэниэххэ, эбэтэр, «Цифровой пропуск Якутии» сыһыарыыны AppStore-тан, эбэтэр, Play Маркет-тан хачайдыахха сөп.

Дьон сылдьыытын, эбийиэк үлэтин уонна санитарнай күннэр кыраапыктарын туһунан иһитиннэрии:

«Чолбон» бассейн — сеанска 78 киһи; 08:00 — 20:00 ч.; төл. 8924-174-02-61. Бэнидиэнньик аайы 12:00 чааска диэри саитарнай ыраастаныы.

«Самородок» бассейн — сеанска 50 киһи; 07:30 — 20:45 ч.; төл. 42-41-44. Бэнидиэнньик аайы 12:00 чааска диэри санитарнай ыраастаныы.

«Эллэй Боотур» мд — 15 киһи, 09:00 — 21:00 ч., 43-35-98 бэнидиэнньик аайы 09:00 — 21:00 чааска диэри санитарнай ыраастаныы, төл. 43-35-98.

«Модун» СК — 43, 09:00 — 21:00 ч., төл. 34-12-04, баскыһыанньа аайы 09:00-12:00 диэри санитарнай ыраастаныы.

«Дохсун» СК — сеанска 15 киһи, 14:00 — 21:00 ч., өрөбүл күннэргэ 11:00 — 21:00 ч., төл. 40-25-37, 700-219. Баскыһыанньа аайы 11:00 чааска диэри санитарнай ыраастаныы.

«Туймаада» стадион — сеанска 75 киһи; 06:00 — 20:00 ч.; төл. 31-81-83. Баскыһыанньа аайы 20:00 — 21:00 ч. диэри санитарнай ыраастаныы.