Среднеколымскайга хаххалыыр быһыт тутуохтара

Ил Дархан Айсен Николаев уонна Орто Халыма улууһун баһылыга Евгений Слепцов Среднеколымскай куоракка хаххалыыр быһыт тутуутун боппуруоһун дьүүллэстилэр. Бу туһунан СӨ баһылыгын уонна бырабыыталыстыбатын дьаһалтатын пресс-сулууспата иһитиннэрэр.

«Өрөспүүбүлүкэ баһылыга Среднеколымскай куоракка хаххалыыр быһыт тутуутугар федеральнай үбүлээһини ылыыга сайаапка ыытарга бырайыактыыр-сметнай докумуоннарын бэлэмниир соругу туруорда», – диэн этиллэр.

Нэһилиэнньэлээх пууҥҥа дьиэ тутуутун ыытарга көҥүл ыларга, куорат иһигэр докумуоннамматах тутуу баара этиллэр. Эбийиэк 2020 сылга суут быһаарыытынан куорат бас билиитигэр бэриллибит.