Суһал штаб: Дьокуускайга оҕо уһуйааннара толору сабыллыахтара суоҕа

Дьокуускай куорат оскуола иннинээҕи саастаах оҕолору көрөр тэрилтэлэрэ сокуон уорганнарын, быраастар уонна социальнай үлэһиттэр оҕолоругар анаан үлэлэрин хайа да түгэҥҥэ салҕыахтара.

«Оҕо уһуйааннарынан миэрэлэри ылынар түгэммитигэр, төгүрүҥ суукка устата тохтоло суох улэлиир сулууспалар — полиция, медициинэ салааларын уонна социальнай сулууспа үлэһиттэрин оҕолоругар үлэ салҕаныаҕа», — диэн вице-премьер Ольга Балабкина иһитиннэрдэ.

Билиҥҥи туругунан, тустаах дьаһал тахсыар диэри оҕо уһуйааннара олохтоммут эрэһииминэн үлэлэрин салҕыыллар.

Уустук эпидемиологическэй усулуобуйанан сибээстээн төрөппүттэр оҕолор уһуйааҥҥа сылдьыыларыттан төлөбүрэ суох аккаастаныахтарын сөп. Маныаха судаарыстыбаннай оҕо уһуйаннарыгар оҕо миэстэтэ хааларыгар салалта аатыгар тустаах сайабылыанньа суруйараллара ирдэнэр.

Инники этиллибитинэн, Дьокуускай куоракка 26% иитиллээччилэр уһуйааҥҥа сылдьыыларын салҕыыллар.