Сунтаарга саҥа ойуур бизоннарын иитэр питомник аһыллыаҕа

Сунтаар улууһун Кэмпэндээйи сэлиэнньэтиттэн 40 килэмиэтир тэйиччии турар сиргэ саҥа ойуур бизонарын иитэр питомник олохтонуоҕа.

Саҥа питомник олунньу бүтүүтэ аһыллыаҕа. Онно «Уус Буотамаҕа» баар былырыыҥҥы 10 төрүөҕү бастакытын илдьиэхтэрэ. Икки хонугунан питомник үлэһиттэрэ бизоннары ийэлэриттэн арааран үөрэтиэхтэрэ.

Саха сирин үрдүнэн бүгүҥҥү күҥҥэ уопсайа 200 бизон баар. Бастакы бизоннары 2006 сыллаахха Канада «Эйк Айленд» бизоннары көрөр истэр пааркатыттан аҕалбыттара.

Билигин Хаҥалас улууһун «Уус Буотама» бизонарийыгар 37 төбө иитиллэр. Горнай улууһун «Тыммпынай» питомнигар 179 төбө иитиллэр, олортон 60 бизон көҥүлгэ ыытыллыбыта. Кыстык этэҥҥэ ааһан эрэр диэн иһитиннэрэллэр, кулун тутар ый бүтэһигиттэн саҕалаан төрөөн барыахтаахтар.

Үүнэр ый бүтэһигэр Канадаттан өссө 30 төбөнү аҕалыахтара. Сотору кэминэн саха сириттэн тустаах исписэлиистэр тиийэн, кыыллары талан, ый аҥаара карантиҥҥа туруоран, сөптөөх бэтэринээринэй көмөнү оҥоруохтара. Ол кэнниттэн бизоннар Ил-76 сөмөлүөтүнэн Саха сиригэр кэлиэхтэрэ.