Сунтаарга уонна Өлүөхүмэҕэ хааччахтааһын күүһүрүө

Сунтаар уонна Өлүөхүмэ улуустарыгар коронавирус тарҕаныытын сэрэтэр хааччахтааһын миэрэлэрин күүһүрдү ирдэнэрин өрөспүүбүлүкэтээҕи суһал штаб тириэрдэр. Бу туһунан СӨ баһылыгын уонна бырабыыталыстыбатын дьаһалтатын пресс-сулууспата иһитиннэрэр.

Суһал штаб салайааччытын солбуйааччы Ольга Балабкина улуустарга атын сиртэн кэлбит дьонтон сутуллуу барарын, ону тэҥэ сытыы тыҥа ыарыылара бэлиэтэммиттэрин иһитиннэрдэ.

«Сунтаар уонна Өлүөхүмэ улуустарыгар санитарнай-эпидемиологическэй ирдэбиллэри булгуччу күүһүрдүү ирдэнэр, вирус ыраах сытар нэһилиэнньэлээх пууннарга тиийдэ», – диэн эттэ.